Numërimi mbrapsht për Topin e Artë 2021: Yjet mbështesin të preferuarit e tyre

Kanë mbetur vetëm 20 ditë deri sa të zbulojmë fituesin e Topit të Artë 2021, një çmim edhe më i pritur se zakonisht, sepse nuk u shpërnda vitin e kaluar për shkak të ndikimit të pandemisë COVID-19.

Pasi France Football zbuloi listën përfundimtare prej 30 lojtarësh muajin e kaluar, ka pasur disa emra që kanë spikatur mbi të tjerët dhe kanë bërë që njerëzit të flasin.

Pse të shkojmë tek mjeku kur ndihemi mirë?!

Si gjithmonë, futbolli ka të bëjë me opinionet dhe kur bëhet fjalë për Topin e Artë, trajnerët dhe lojtarët bëhen si tifozë të rregullt, duke mbështetur të preferuarit e tyre për trofeun.

Pretendentët kryesorë për çmimin për lojtarin më të mirë në vitin e fundit duket të jenë Lionel Messi, Cristiano Ronaldo, Robert Lewandowski, Jorginho, Karim Benzema dhe N’Golo Kante.

Skuadra e Messit

Gjashtë herë fituesi rekord është një favorit i përjetshëm dhe i tillë është edhe një herë, veçanërisht pasi ai udhëhoqi Argjentinën drejt fitores së Copa America – trofeu i tij i parë i madh me Albiceleste.

Skuadra e Lewandowskit

Ka një lëvizje në rritje për sulmuesin e Bayern Munichut dhe Polonisë, Lewandowski për të marrë më në fund njohjen që meriton. Lavdërimet e tij janë kënduar nga njerëz si Kevin De Bruyne, Iago Aspas dhe Rafa Marquez.

Skuadra e Jorginhos

Mesfushori i Chelseat dhe Italisë ka fituar shumë admirues këtë vit, duke ndihmuar klubin dhe vendin për lavdinë evropiane. Bashkatdhetari Giorgio Chiellini e ka përkrahur, ndërsa një përmendje të veçantë ka marrë edhe nga Patrice Evra, i cili u nda mes Jorginhos dhe bashkëlojtarit të Chelseat, N’Golo Kante.

Skuadra e Benzemas

Numri 9 i Real Madridit është ndoshta, çuditërisht, i nënvlerësuar, por disa zëra duan ta ndryshojnë këtë dhe të njohin shkëlqimin e tij me Topin e Artë këtë vit. Mbështetësit e tij përfshijnë Rafa Nadal, Roberto Carlos dhe Ronaldo Nazario.

New Born Agency

Fluturime direkte nga Ljublana në Prishtinë dhe anasjelltas!