Nuk ndalen largimet nga Feronikeli

Situata në klubin e Feronikelit për momentin duket mjaft kritike, pasi shumë futbollistë janë duke u larguar, ndërsa nuk ka ende ndonjë prurje të re.

Është konfirmuar edhe futbollisti i tretë që është larguar nga skuadra nga Drenasi, KF Feronikeli. Pas Yll Hoxhës dhe Albert Dabiqajt, rrugët me “Niklin” i ka ndarë edhe Adem Maliqi.

Përmes një postimi në profilin e tij në Facebook, Maliqi njoftoi për largimin. Ai falënderoi bashkëlojtarët, stafin dhe tifozerinë.

“Desha t’iu informoj se që nga sot nuk do të jem më pjesë e klubit FC Ferronikeli. Dua t’i falënderoj bashkëlojtarët me të cilët kam kaluar momente shumë të mira, trajnerët, kryesinë dhe tifozerinë e Feronikelit” – shkroi Maliqi.

Kujtojmë se Maliqi iu bashkua klubit nga Drenasi në shtator të vitit 2020, duke e kaluar vetëm një sezon me “Industrialistët”.

Sot gjatë ditës Feronikelit i dhanë lamtumirën edhe dy futbollistë tjerë. Bëhet fjalë për Yll Hoxhën dhe Albert Dabiqajn.