Në muajin e ardhshëm, në Korrik do të jetë edhe debutimi i parë i Ballkanit në raundin e parë kualifikues në garat e Ligës së Kampionëve.

Me datën 5 Korrik, klubi i udhëhequr nga trajneri shqiptar, Ilir Daja do të përballet me FK Zaligirisin në raundin e parë kualifikues të kësaj gare.

Ndeshja e parë do të zhvillohet në stadiumin “Fadil Vokrri” në kryeqytetin e Kosovës, në Prishtinë.

Tifogrupi nga Suhareka, “Xhebrailat”, kanë njoftuar se kanë nisur përgatitjet për të sjellë diçka unike.

Po ashtu, nga Xhebrailat kanë theksuar se po përgatitin diçka për të pëfaqësuar qytetin e Suharekës në mënyrë dinjitoze.

Njoftimi i plotë nga “Xhebrailat” (pa ndërhyrje):

“-8 Ditë nga ndeshja historike!

-Siç e dini të Martën e 5 Korrikut përballemi në kualifikimet për Champions League ku presim ekpin nga Lituania Zalgrisin.

-Xhebrailat janë duke u përgaditur për të sjellur diqka unike si dhe ta përfaqësojmë qytetin e Suharekës në mënyrë dinjitoze.

Andaj ju ftojmë të gjithëve të na bashkangjiteni në një udhëtim masivë drejt Prishtinës.

-Në lidhje me orarin e udhëtim dhe të gjitha gjërat kryesore do njoftoheni me kohë.

TA PËRFAQËSOJMË SUHAREKËN SIÇ NA KA HIJE!”.