Mbrojtësi i Barcelonës refuzon kalimin te Arsenali

Mbrojtësi i Barcelonës njëherish edhe mbrojtësi i kombëtares franceze, Samuel Umtiti ka refuzuar një ofertë të klubit anglez, Arsenali këtë javë, ku ka vendosur që të mbetet në Camp Nou.

Sipas mediumit Le Parisien, trajneri i Topçinjve, Mikel Arteta bëri kontakte të drejtpërdrejta me francezin në lidhje me një transferim në Londër para mbylljes së afatit kalimtar të transferimeve.

Arsenali ishte i prirur të merrte huazimin e Umtiti dhe Barça ishin të gatshëm të bënin biznes me klubin londinez.

Sidoqoftë, Umtiti thuhet se ka refuzuar me mirësjellje qasjen e Arsenalit.

Mbrojtës dëshiron të qëndrojë te Barca dhe të luftojë për vendin e tij.

Francezi ka humbur vendin e titullarit këtë sezon me Clement Lenglet që tani vlerësohet si partneri numër një i Gerard Pique.