Lideri aktual i kampionatit, Ballkani luan në udhëtim te Malisheva, teksa Ulpiana e Dukagjini përballen në Lipjan.

Prishtinën e pret një duel më i lehtë në letër pasi luan në udhëtim te Feronikeli.

Të enjten në program janë edhe dy sfida të tjera për tu zhvilluar, ku vëmendja është te derbi i Anamoravës mes Dritës dhe Gjilanit.

Dueli tjetër i kësaj dite zhvillohet në stadiumin ‘Zahir Pajaziti’ në Podujevë mes Llapit dhe Drenicës.

Sot zhvillohet ndeshja Malisheva – Ballkani, ku ky takim luhet në stadiumin “Liman Gegaj” në Malishevë me fillim prej orës 13:00.

Ndeshja Malisheva – Ballkani do të drejtohet nga gjyqtari Alban Shala, me asistentët Lumturije Muhadri, Besnik Morina dhe gjyqtarin e katërt Bardh Ajeti.

Ndërsa, në VAR do të jetë Mentor Ajeti, në AVAR Eridon Podvorica, operator Valon Maloku, vëzhgues i gjyqtarëve Idriz Kelmendi dhe delegat Afrim Nebihu.

E mërkure 09.03.2022

13:00 Malisheva – Ballkani;
13:00 Ulpiana – Dukagjini;
13:00 Feronikeli – Prishtina.

E enjte 10.03.2022

13:00 Drita – Gjilani;
13:00 Llapi – Drenica.