Lëndohet Naingolan, pritet të mungojë ndaj Barcelonës

Këtë e ka bërë të ditur trajneri i Romës, Eusebio Di Francesco, i cili nuk është i kënaqur me barazimin e skuadrës së tij në barazimin ndaj Bolognas me ç’rast edhe u lëndua mesfushori belg në minutën e 17.

“Jam i zhgënjyer për lëshimin e pikëve, por edhe trajneri meriton një shqyrtim negativ po aq sa lojtarët. Nuk jam i kënaqur me rezultatin, jam me disa elemente, por jo me të tjerat”, është shprehur Di Francesco për Sky Sports Italia.

Më tutje ai ka folur për lëndimin e Nainggolanit, “duhet të flasim me stafin mjekësor. Por, në mënyrën që ai lëshoi fushën, nuk është pozitive. Unë mund t’ju siguroj nga përvoja se problemet muskulore nuk zgjidhen aq shpejt, edhe nëse ai është Ninxha dhe për këtë ndoshta mund të na befasojë. Ai tentoi tre herë të vraponte, por nëse duhej ta lëshonte fushën, kjo nënkupton se ishte lëndim i rëndë”.