Këta janë golashënuesit dhe asistuesit më të mirë të Superligës për sezonin 2022/23

Fabrika e Mobileve "TE NASERI"

Mobilo shtëpinë deri në 10,000 € me mundësi pagese deri në 36 muaj.

Kur jemi një ndeshje larg fundit të sezonit të Superligës së Kosovës në futboll, tashmë dihet se skuadra e Ballkanit ka arritur të shpallet kampion për herën e dytë radhazi.

Skuadra suharekase ka 72 pikë, pesë më shumë se Drita, e cila renditet në vendin e dytë.

Përveç titullit të kampionit, janë futbollistët e Ballkanit ata të cilët renditen të parët në listën e golashenuesve dhe të asistuesve të Superligës për këtë sezon.

Sulmuesi, Albion Rrahmani, është golashenuesi më i mirë i këtij sezoni me 20 gola, shumë larg nga Besnik Krasniqi i Dritës që ka realizuar 13 sosh.

Pas tyre renditet Marko Simonovski i Dritës me 12 gola, ndërsa Christian Mba i Trepçës ’89, Ronald Soboeale i Malishevës dhe Mevlan Zeka i Gjilanit kanë nga 10 gola.

Në listën e asistuesve prin futbollisti i Ballkanit, Nazmi Gripshi me 12 asiste, i ndjekur nga shoku i tij i skuadrës, Armend Thaqi me 9 sosh.

Në listën e asistuesve më të mirë të Superligës për sezonin 2022/23 janë edhe Besnik Krasniqi me 8 asiste, Festim Alidemaj me 7 dhe Endrit Krasniqi me 6 asiste./IndeksOnline/