Icardi jashtë planeve të PSG, e ardhmja në Serie A ose Premier League

Icardi jashtë planeve të PSG, e ardhmja në Serie A ose Premier League
Çlirim Gashi

10.04.2021 / Sport

Mauro Icardi ka nostalgji për Serinë A italiane. E ardhmja e tij duket e shkruar tashmë me Mauriton që me shumë mundësi do të largohet nga Paris Saint Germain në fund të këtij sezoni.

Gazeta më e madhe sportive në Francë L’Equipe shkruan me siguri të plotë se për Icardin nuk ka më vend te kampionët e Francës.

Opsionet më të mundshme për ish-sulmuesin e Interit janë Juventusi dhe Roma në Serie A, por Parisi mund ta vendosë ta shesë edhe në Premier League.

Pasiqë nëse Icardi rikthehet në Itali në harkun e 2 viteve parizienët janë të detyruar të derdhin në arkat e Interit edhe 15 milionë euro të tjera për shkak të një klauzole që ekziston në kontratën e nënshkruar mes palëve.

Përfaqësuesit e Icardit kanë nisur nga puna për t’i gjetur një destinacion të ri sulmuesit, ndërkohë që nëse transferohet te Juvja mund të kemi edhe një shkëmbim me Paulo Dybalan.

RAPORTO