Hapja solemne e FINAL 8 në Suharekë, nënkryetarja e FBK-së apel MSh-së për lejimin e tifozëve

Është bërë hapja solemne e Final 8 Kupës së Kosovës.

Ka qenë kryetari i Suharekës, Bali Muharremaj, ai i cili ka bërë hapjen solemne.

Muharremaj është shprehur shumë i lumtur që ky turne i rëndësishëm po mbahet në qytetin e Suharekës, që ka traditë në organizimin e ngjarjeve, ku edhe më herët ka organizuar Kupën e Kosovës.

Ndërkohë, nënkryetarja e Federatës së Basketbollit të Kosovës, Linda Shala, ka apeluar te Ministria e Shëndetësisë, që të paktën për ndeshjet tjera të lejohet një numër i kufizuar i tifozëve dhe ka falënderuar tifozët për gatishmërinë për të marrë pjesë dhe mirëkuptimin e treguar.

Kujtojmë se nga 3 deri më 7 shkurt në Suharekë do të zhvillohen ndeshjet e Final 8.