Formacioni i mundshëm i Kosovës ndaj Gjeorgjisë

Ndeshja fillon në orën 20:45 në stadiumin “Fadil Vokrri” në Prishtinë.

Ndonëse pa gjasa për kualifikim, futbollistët e Kombëtares së Kosovës janë zotuar se do të japin maksimumin për të arritur fitoren e dytë në këto kualifikime dhe për të pasur në fund një plasman sa më të mirë, i cili do t’i shërbejë më pas në ngritjen e moralit por edhe në përmirësimin e pozitës në renditjen e FIFA-s.

Kosova është e parafundit me vetëm katër pikë nga pesë ndeshje, katër më pak se vendi i tretë Greqia dhe tri më shumë se Gjeorgjia në vendin e fundit.

Spanja dhe Suedia i prijnë grupit me 13, përkatësisht 12 pikë.

Formacioni i mundshëm i Kosovës për ndeshjen ndaj Gjeorgjisë:

Kombëtarja e Kosovës: Muric, Vojvoda, Rrahmani, Fazliji, Aliti, Dresevic, Loshaj, Celina, Rashica, Muriqi, Rashani.

Kryetarjner: Bernard Challandes.