Flamuri i Kosovës valon në Spanjë, sot ndeshja historike e kombëtares tonë

Flamuri i Kosovës është vënë krahas flamujve të shteteve tjera pjesëmarrëse në kampionatin botëror të juniorëve që fillon nesër në Spanjë.

Kombëtarja jonë ka stërvitur të hënën pasdite në palestrën në Pontevedra, ku të martën nga ora 17:00 luhet ndeshja me Kroacinë.

Me kualifikimin në botëror kemi shkruar histori, por për suksese të reja do të japim çdo gjë nga vetja. “Luftë për çdo top, nga fillimi deri në fund”, këtë e premtojnë lojtarët e trajnerët, shkruan FHK.

“Nesër na pret një ndeshje shumë e vështirë. E dijmë forcën dhe pervojën e madhe të kundërshtarit, kemi patur rastin t’i analizojmë disa ndeshje miqësore që kroatët kanë zhvilluar gjate ditëve të fundit. E jona është që të futemi në fushë të luftojmë si në sulm ashtu edhe në mbrojtje dhe të tregojmë vlerat tona”, thotë kapiteni Jon Muqolli.