Dortmund i cakton Haaland-it afatin përfundimtar për të vendosur për të ardhmen e tij

Borussia Dortmund thuhet se ka caktuar fundin e shkurtit si afatin përfundimtar për Erling Haaland që të vendosë për të ardhmen e tij mes interesimit nga disa fuqi evropiane, si Real Madrid.

Kur Haaland nënshkroi për skuadrën e Bundesligës në janar 2020, të dy palët ranë dakord që norvegjezi mund të largohej nga klubi pas dy vitesh nëse plotësohen një sërë kërkesash, siç pranoi së fundmi drejtori sportiv i Dortmundit, Michael Zorc.

Siç raportohet nga Bild, Dortmundi është i vendosur që Haaland të marrë një vendim deri në fund të shkurtit. Gazeta gjermane konfirmoi gjithashtu se kontrata e tij përfshin një klauzolë lirimi prej 75 milionë eurosh, e cila hyn në fuqi verën e ardhshme.

Kostoja e Haaland

Kërkuesit e mundshëm mund të marrin shërbimet e Haaland në këmbim të figurës së lartpërmendur, ndërsa agjenti i tij Mino Raiola dhe babai i lojtarit pritet të marrin një komision. Kjo do të thotë se nënshkrimi i Haaland mund t’i kushtojë ekipit të tij të ardhshëm deri në 400 milionë euro në total, pasi të merren parasysh edhe pagat.