Dembele “sanksionohet” nga Barcelona: Ai duhet të gjejë një klub deri më 31 janar, përndryshe nuk do të luajë

Ousmane Dembele është lënë jashtë skuadrës së Barcelonës për ndeshjen e 16-të të fundit të Copa del Rey kundër Athletico Bilbao në San Mames të enjten mbrëma.

Xavi Hernandez la të kuptohet gjatë konferencës për shtyp të së mërkurës para ndeshjes se francezi mund të largohet nga Barcelona në janar, dhe të enjten drejtori sportiv Mateu Alemany doli dhe diskutoi situatën e Dembele përpara se të deklaronte se ai duhet të gjejë një klub të ri para 31 janarit.

“Kemi filluar bisedimet me agjentët e Dembeles korrikun e kaluar. Që atëherë kanë kaluar gjashtë apo shtatë muaj, gjatë të cilëve kemi qenë në dialog dhe gjatë të cilave Barcelona ka bërë oferta të ndryshme”, tha Alemany.

“Ne jemi përpjekur të gjejmë një mënyrë që lojtari të qëndrojë me ne, oferta që janë refuzuar sistematikisht nga përfaqësuesit e tij.

“Tani, njëmbëdhjetë ditë para përfundimit të periudhës së fundit të kontratës së tij, klubi e kupton se lojtari nuk dëshiron të rinovojë dhe se ai nuk është i përkushtuar për projektin e ardhshëm të Barcelonës.

“Ai dhe përfaqësuesit e tij janë informuar se duhet të largohet nga klubi dhe se duhet të kërkojë një transferim para 31 janarit”.

Skuadra e Barcelonës kundër Athletico Bilbao

Portierë: Marc-Andre ter Stegen, Neto, Arnau Tenas.

Mbrojtës: Sergino Dest, Gerard Pique, Ronald Araujo, Dani Alves, Clement Lenglet, Jordi Alba, Oscar Mingueza, Alejandro Balde.

Mesfushorët: Sergio Busquets, Riqui Puig, Pedri, Frenkie de Jong, Nico Gonzalez, Gavi.

Sulmues: Ansu Fati, Martin Braithwaite, Ferran Torres, Ferran Jutgla, Abde Ezzalzouli.