Cristiano Ronaldo: U ktheva te United për të rishkruar histori, Sir Alex kjo është për ty!
Tashmë edhe zyrtarisht ylli portugez, Cristiano Ronaldo ka nënshkruar kontratën te Manchester United, i cili rikthehet në Old Trafford pas 12 vitesh. Ronaldo u largua nga Manchester United para 12 vitesh, i cili kishte marrë rrugën drejt Real Madridit, ku pas aventurës historike te klubi spanjoll, ai më pas u transferua në Juventus. Për nënshkrimin […]
Foto: Ilustrim
Tashmë edhe zyrtarisht ylli portugez, Cristiano Ronaldo ka nënshkruar kontratën te Manchester United, i cili rikthehet në Old Trafford pas 12 vitesh.
Ronaldo u largua nga Manchester United para 12 vitesh, i cili kishte marrë rrugën drejt Real Madridit, ku pas aventurës historike te klubi spanjoll, ai më pas u transferua në Juventus.
Për nënshkrimin e Ronaldos te Manchester United, e ka bërë të ditur vetë klubi anglez përmes një njoftimi në ueb-faqen zyrtare, i cili është deklaruar për herë të parë që nga dita kur është bërë i ditur rikthimi i tij te ‘Djajtë e Kuq’.
Ndërsa pas njoftimit të Manchester United, Cristiano Ronaldo ka bërë postimin e tij të parë pas rikthimit në Old Trafford.
Në këtë postim, 36 vjeçari ka shkruar se rikthimin e tij ia dedikon Sir Alex Fergusonit.
Po ashtu, më tutje ai ka theksuar se gjithçka e mirë që ka filluar në karrieren e tij ka nisur nga United dhe se për këtë arsye ka vendosur rikthimin pas 12 vitesh te ‘Djajtë e Kuq’.
“Të gjithë ata që më njohin, e dinë për dashurinë time të pafund për Manchester United. Vitet që kalova në këtë klub ku ishin absolutisht të mahnitshme dhe rruga që kemi bërë së bashku është shkruar me shkronja të arta në historinë e këtij institucioni të madh dhe mahnitës”, ka thënë Cristiano Ronaldo.
Më tutje ai ka shtuar se: “Unë as nuk mund të filloj të shpjegoj ndjenjat e mia tani, pasi shoh kthimin tim në Old Trafford të shpallur në të gjithë botën. Është si një ëndërr e realizuar, pas të gjitha kohëve që u ktheva për të luajtur kundër Man. United, madje edhe si kundërshtar, të kenë ndjerë gjithmonë një dashuri dhe respekt të tillë nga tifozët në tribuna. Kjo është absolutisht 100% nga gjërat nga të cilat janë bërë ëndrrat!”.
“Liga ime e parë vendase, kupa ime e parë, thirrja ime e parë në ekipin kombëtar Portugez, liga ime e parë e Kampionëve, Këpuca ime e parë e Artë dhe Topi i Artë i parë, të gjitha kanë lindur nga kjo lidhje e veçantë mes meje dhe Djajve të Kuq. Historia është shkruar në të kaluarën dhe historia do të shkruhet edhe një herë! Ju keni fjalën time!”, ka thënë ylli portugez.
“Unë jam këtu!
Unë jam kthyer aty ku më takon!
Le ta bëjmë atë edhe një herë!
PS – Sir Alex, kjo është për ju…”, ka përfunduar Ronaldo.
