Ballkani shënon fitore bindëse ndaj Besës

Ka përfunduar ndeshja mes Ballkanit dhe Besës në kuadër të javës së 28-të në Superligën e Kosovës.

Pas humbjes nga Prishtina, klubi suharekas në drejtim të Bledi Shkëmbit i është rikthyer fitoreve.

Në ndeshjen ndaj Besës e cila u zhvillua në stadiumin e qytetit në Suharekë, Ballkani ka shënuar fitore bindëse me rezultat 4-1.

Meriton Korenica shkëlqeu në këtë ndeshje me dy gola, teksa nga një për vendasit e shënuan edhe Nazmi Gripshi e Arbër Prekazi.

Kurse, golin e vetëm dhe të nderit për mysafirët nga Peja e shënoi Ardi Qorri.

Pas kësaj fitoreje, Ballkani ka 58 pikë dhe është lidere në Superligë, ndërsa Besa mbetet e fundit në tabelë me 10 pikë.