Bursisti Atdhe Luzhnicës nuk i lejohet stërvitja në sallën e gjimnazit të Suharekës

Foto: Atdhe Luzhnica, Telegrafi.com

Edhe pse është  bursist i Komitetit Olimpik Ndërkombëtarë dhe një ndër themeluesit e Federatës se Shigjetarisë së Kosovës dhe anëtar i saj, Atdhe Luzhnicës nuk i lejohet të bën stërvitje në palestrën e gjimnazit, “Jeta e Re” në Suharekë, e cila është e vetmja që sipas tij i plotëson kushtet për stërvitje gjatë stinës së dimrit.

Kjo pasi drejtori i gjimnazit, Fadil Elshani nuk e ka lejuar që të stërvisë përkundër që kryetari i Suharekës, Bali Muharremaj e ka lëshuar një vendim në vitin 2018 ku i lejohet të gjitha klubeve  sportive rinore që merren me aktivitet sportive të grup moshave për fëmijë t’i shfrytëzojnë palestrat sportive nëpër të gjitha shkollat e Komunës së Suharekës.

“Në atë palestër kamë bërë stërvitje tre-katër vite me radhë. Në momentin që ka ndryshuar pushteti lokal ka ndryshuar edhe drejtori i cili ma ka ndalua edhe hapësirën e jashtme të shkollës por edhe palestrën për t’u stërvitur. Ai ma ka dhënë një arsyetim që “askund me ligj nuk specifikohet që unë mund ta shfrytëzojë atë hapësirë. Në fakt me ligj as e kundërta nuk thuhet dhe mendoj që ai objekt është aset i Komunës dhe duhet ta kemi mundësin edhe klubet ta shfrytëzojmë e sidomos unë që jam bursist për normë olimpike e që kjo është koha e fundit që unë mund ta pretendojë”, deklaroi Atdhe Luzhnica për RTV Dukagjinin.

🎬🍿 Këta janë super-filmat që mund t’i shikoni këtë fundjavë në Cineplexx

Këtë fundjavë, në Cineplexx mund t’i shikoni nga premierat më të fundit botërore, deri tek filmat vendor që po vazhdojnë të korrin suksese.

I kontaktuar nga RTV Dukagjini, drejtori gjimnazit, Fadil Elshani nuk pranoi të prononcohet në lidhje me këtë çështje as nga telefoni dhe as përmes kamerës.

Drejtori i arsimit në komunën e Suharekës, Remzi Bytyçi thotë se vendimi i lëshuar nga komuna duhet të respektohet nga të gjithë drejtorët e shkollave derisa për rastin e Atdheut tha se të gjitha palestrat plotësojnë kushtet për të bërë stërvitje.

“Për rastin në fjalë mund të them se shigjetari mund të shfrytëzojë edhe sallat tjera të shkollave të ndryshme që janë shumë të mira. Sportisti është fiksuar vetëm te kjo sallë por te e njëjta ka shumë ngarkesë”, shprehet Remzi Bytyçi.

Atdhe Luzhnica është njëri nga shigjetarët më të mirë të Kosovës derisa stërvitjet gjatë stinës së dimrit tash e dy vite nuk ka vend ku t’i bëjë./RTV Dukagjini/