Aguero largohet nga Man City në fund të sezonit

Sergio Aguero do të largohet nga Manchester City në fund të sezonit.

Kontrata e sulmuesit argjentinas 32-vjeçar skadon në fund të sezonit dhe atij i është thënë që nuk do të rinovohet.

Barcelona është njëri prej ekipeve që është e interesuar për shërbimet e argjentinasit.

Ai u bashkua me Cityn në verën e vitit 2011, duke bërë një ndikim të menjëhershëm duke shënuar dy herë dhe duke bërë një asist në debutimin e tij tridhjetë minutësh në një fitore 4-0 në shtëpi ndaj Swansea City. Ishte një fillim dramatik dhe mbresëlënës që dha një tregues të asaj që do të ndodhte.

Në total, ai ka shënuar 257 gola në 384 paraqitje për Manchester City. 

RAPORTO