Të vegjlit e “Migjenit” vizitojnë Shtëpinë e të Moshuarve në Gjinoc për festat e fundvitit

Me qëllim të sjelljes së gëzimit dhe ngrohtësisë gjatë festave të fundvitit, nxënësit e klasës III-të të SHFMU “Migjeni” realizuan sot një vizitë të veçantë në Shtëpinë e Të Moshuarve “Jetimat e Ballkanit” në Gjinoc.

Të shoqëruar nga mësuesja e tyre, Lindita Zeqiraj, nxënësit përgatitën me shumë dashuri ëmbëlsira dhe dhurata simbolike, të cilat ua dhuruan të moshuarve si shenjë kujdesi, respekti dhe mirënjohjeje.

Vizita u prit ngrohtësisht nga banorët e shtëpisë, duke krijuar një atmosferë festive dhe plot emocione. Ky aktivitet përveç që solli buzëqeshje, forcoi edhe lidhjen ndërbreznore dhe vlerësimin për të moshuarit.

Një falënderim i veçantë shkon për nxënësit, mësuesit dhe të gjithë ata që kontribuan në realizimin e këtij aktiviteti të bukur.