Sulm, kanosje, import e eksport i armëve – Prokuroria ngrit 7 aktakuza për 9 të dyshuar

Po ashtu, me urdhër të Prokurorit të Shtetit, janë ndaluar dymbëdhjetë (12) persona, ndërsa janë paraqitur 4 kërkesa për caktimin e masës së paraburgimit ndaj 4 personave të dyshuar për vepra penale të ndryshme.

Në këtë kuadër, Prokuroria Themelore në Prizren ka qenë ndër më aktive gjatë kësaj periudhe. Gjatë 24 orëve të fundit, kjo prokurori ka ngritur 7 aktakuza kundër 9 personave për një sërë veprash penale. Po ashtu, është bërë edhe ndalimi i një personi të dyshuar për përfshirje në veprimtari të kundërligjshme.

Sipas njoftimit zyrtar, aktakuzat e ngritura nga Prokuroria Themelore në Prizren përfshijnë raste të ndryshme. Dy aktakuza janë ngritur kundër tre personave për veprën penale “Lëndimi i lehtë trupor”, ndërsa një aktakuzë tjetër është ngritur kundër dy personave për veprën penale “Sulmi”. Një person tjetër është akuzuar për “Asgjësim, dëmtim apo heqje të pajisjeve mbrojtëse dhe rrezikim të sigurisë në vendin e punës”, ndërsa një aktakuzë është ngritur për veprën “Kanosja”.

Ndërkaq, një tjetër person është akuzuar për “Ndotje, degradim ose shkatërrim të mjedisit”, ndërsa një tjetër për “Posedim të paautorizuar të narkotikëve, substancave psikotrope apo analoge” si dhe për “Import, eksport, furnizim, transportim, prodhim, këmbim, ndërmjetësim ose shitje të paautorizuar të armëve apo materieve plasëse”.

Prokuroria e Shtetit thekson se do të vazhdojë me intensitet të shtuar punën e saj në luftimin e veprave penale dhe forcimin e sundimit të ligjit në të gjitha nivelet.