Suharekë, ndërron jetë një qytetar gjersa po shkonte të kërkonte ndihmë mjekësore

Sipas informacioneve, viktima, një burrë, ishte duke udhëtuar së bashku me bashkëshorten e tij drejt një qendre mjekësore, pasi kishte shfaqur probleme shëndetësore dhe nuk ishte ndier mirë. Fatkeqësisht, gjatë rrugës, ai ka humbur ndjenjat dhe ka mbetur i shtrirë në automjet.

Mjeku kujdestar ka arritur menjëherë në vendin e ngjarjes, por, përkundër përpjekjeve, ka konstatuar se viktima kishte ndërruar jetë në vend. Shkaku i vdekjes është identifikuar si sulm kardiak.

Pas ndërhyrjes së autoriteteve përkatëse dhe njoftimit të prokurorit, është vendosur që trupi i pajetë t’u dorëzohet familjarëve për procedurat e mëtejshme.