Kamioni me ngarkesë të pasiguruar ndalet në Prizren, kompania gjobitet me 300 euro

Sipas Policisë së Kosovës, rasti ka ndodhur më 30 qershor, gjatë patrullimit të rregullt të zyrtarëve të Stacionit Policor Prizren-Veri. Gjatë kontrollit të kamionit, policët konstatuan se ngarkesa nuk ishte e siguruar, duke paraqitur rrezik për sigurinë në komunikacion.

Për këtë shkelje, personit juridik, përkatësisht kompanisë pronare të kamionit, i është shqiptuar një gjobë prej 300 eurosh.

Policia e Kosovës ka bërë të ditur se do të vazhdojë kontrollet në terren dhe zbatimin e ligjit, me qëllim rritjen e sigurisë në trafik dhe parandalimin e rasteve që mund të rrezikojnë jetën e qytetarëve.