Vinicius Junior fiton çmimin “The Best FIFA Men’s Player” për vitin 2024

Për vitin 2024, çmimi prestigjioz për futbollistin më të mirë në konkurrencën e meshkujve shkon te ylli brazilian i Real Madridit, Vinicius Junior.

24-vjeçari triumfoi pas një gare të ashpër, ku përballë kishte emra të mëdhenj si Rodri, me të cilin humbi çmimin e “Topit të Artë” disa muaj më parë. Megjithatë, performanca e tij e jashtëzakonshme gjatë sezonit të kaluar bindi jurinë e FIFA-s për t’ia dhënë këtë çmim të rëndësishëm.

Vinicius ishte një element kyç për Real Madridin, duke ndihmuar ekipin e tij të fitojë trofetë e mëdhenj si Liga e Kampionëve dhe La Liga. Me shpejtësinë, aftësitë teknike dhe vendosmërinë e tij në momente kyçe, ai luajti një rol vendimtar për sukseset e klubit.

Ky çmim e bën Vinicius Junior brazilianin e parë që nga viti 2007 që fiton një çmim individual të kësaj rëndësie, duke e rikthyer Brazilin në skenën më të lartë të futbollit botëror. Ai ka ndjekur hapat e legjendave si Kaka, i cili ishte fituesi i fundit brazilian në këtë nivel.