Të dielën derbi në Suharekë, KB Golden Eagle Ylli – KB Peja
Pas finales së Kupës së Kosovës, Golden Eagle Ylli do të rikthehet përsëri me një derbi ndaj KB Pejës në kuadër të xhiros së 26-të të Superliges së Kosovës në Basketboll. Golden Eagle Ylli përmes një postimi në Facebook ka bërë të ditur se të dielën, më 1 mars 2020 do të zhvillohet ndeshja ndaj […]
Foto: KB Golden Eagle Ylli - Rexh Gashi
Pas finales së Kupës së Kosovës, Golden Eagle Ylli do të rikthehet përsëri me një derbi ndaj KB Pejës në kuadër të xhiros së 26-të të Superliges së Kosovës në Basketboll.
Golden Eagle Ylli përmes një postimi në Facebook ka bërë të ditur se të dielën, më 1 mars 2020 do të zhvillohet ndeshja ndaj KB Pejës.
Derbi do të luhet në palestrën sportive “13 Qershori” në Suharekë, me fillim prej orës 17:00.
Kujtojmë se KB Ylli ndeshjen e fundit e zhvilloi më 15 shkurt, ku kjo ndeshje ishte finalja e Kupës së Kosovës, ku kundërshtar e kishte KB Pejën.
Peja triumfoi në finale duke e mposhtur Yllin me rezultat 64:79 (9:26, 22:21, 20:10, 13:22).
Te Ylli ishte i dalluar Samir Zekiqi me 20 pikë, kurse te Peja më të mirët në parket ishin Henrik Sirko me 16 pikë e nëntë kërcime, Nigel Johnson me 20 pikë e 6 kërcime e 11 asistime dhe Drilon Hajrizi me 9 kërcime.
