Vazhdon agresioni në shëndetësi!

Sikur nuk i mjaftoi agresioni ndaj arsimit, ndaj parasë publike, bujqësisë e sektorëve të tjerë nga qeverisja aktuale e AAK së në Therandë, tani i është kthyer edhe shëndetësisë.

Ambulanca në fshatin Samadraxhë ka dhjetë ditë që është mbyllur. Ndërkaq pacientët në këto ditë të ftohta janari ku rrugët janë bllokuar nga reshjet e borës e kanë të vështirë t’i kryejnë shërbimet shëndetësore.

Me sa duket ngarendja e kryetarit Muharremaj, pas fotove për facebook, ka pamundësuar funksionimin normal të sektorëve të qeverisjes komunale. Keqmenaxhimi dhe keqpërdorimi i parasë publike, politizimi i skajshëm i çdo sektori publik, prodhojnë uljen e cilësisë së jetës për qytetarët dhe detyrimin e tyre për të emigruar jashtë vendit.

Sektori për Informim i Degës së LDK-së në Therandë për çdo ditë ballafaqohet me ankesat e qytetarëve të cilëve u është vështirësuar jeta e tyre si pasojë e abuzimit me pushtetin nga qeverisja Muharremaj!