Tre persona janë përfshirë në një rrahje e cila ka ndodhur të martën në Prizren.

Policia e Kosovës ka njoftuar se dje rreth orës 23:30 në rrugën “Xhevat Berisha” në Prizren janë rrahur mes vete tre meshkuj, raporton SuharekaOnline.

Sipas raportit të policisë bëhet e ditur se si pasojë e rrahjes lëndime trupore ka pësuar njëri nga të dyshuarit të cilit i është ofruar ndihmë mjekësore nga ekipi i emergjencës.

Poashtu, policia njofton se në vendin e ngjarjes është gjetur një karikator dhe dyshohet se të dyshuarit kishin pasur me vete edhe revole.

Lidhur me rastin policia thotë se janë ndërmarrë të gjitha veprimet e nevojshme për procedurat e mëtejme.