Prizren, arrestohen dy persona të dyshuar për armëmbajtje pa leje

Sigurimi Internacional

Ofertë speciale

Policia e Kosovës në Prizren ka arrestuar dy persona të dyshuar për armë mbajtje pa leje.

Policia e Prizrenit njofton se në minutat e parë të së enjtes ka arrestuar dy persona të dyshuar tek të cilët gjatë një kontrolli ka gjetur dhe sekuestruar një shufer metalike, një thikë me patentë dhe një thikë harkore me dorezë, ndërsa tek i dyshuari i dytë (pasagjeri) pas kontrollit tek ai është gjetur dhe sekuestruar një pistoletë dhe një karikator, raporton SuharekaOnline.

Njoftimi i plotë:

Prizren, 10 gusht 2023

Policia e Kosovës, njësiti për reagim të shpejtë nga Stacioni Policor Prizren me datën 10.08.2023 rreth orës 00:25 në pikë të kontrollit të automjeteve ka ndalur një automjet me targa vendore për kontrolle rutinor në të cilin kanë qenë dy persona meshkuj, kosovar shqiptar me inicialet M.F. (viti i lindjes 1998) dhe M.B. (viti i lindjes 1999).

Gjatë kontrollit tek i dyshuari i parë (ngasësi i automjetit) nga zyrtarët policor janë gjetur dhe sekuestruar një (1) shofer metalike, një (1) thikë me patentë dhe një thikë harkore me dorezë, ndërsa tek i dyshuari i dytë (pasagjeri) pas kontrollit tek ai është gjetur dhe sekuestruar një (1) pistoletë dhe një karikator. Të gjitha këto do të përdorën si dëshmi për gjykatën.

Në lidhje me rastin është njoftuar prokurori i shtetit i cili ka urdhëruar që ndaj të dy të dyshuarve të ngritët kallëzim penal për veprën penale ,, Mbajtja në pronësi, kontroll ose posedim të paautorizuar të armëve’’ dhe rasti do të procedohet në prokurorinë themelore.