Policia nuk e ndal dorën, shqipton mbi 2 mijë tiketa trafiku për 24 orë

Mosrespektimi i rregullave në trafik, ngarkesa e komunikacionit, pakujdesia, mospërshtatja e shpejtësisë me kushtet e rrugës, janë vetëm disa nga faktorët që ndodhin aksidentet në trafik.

Policia e Kosovës ka njoftuar se gjatë ditës së martë në tërë vendin janë regjistruar 136 aksidente në trafik, raporton SuharekaOnline.

Prej tyre, 39 aksidente kanë përfunduar me persona të lënduar, ndërsa 97 të tjera kanë përfunduar me dëme materiale.

Gjatë ditës së martë, pavarësisht numrit të madh të aksidenteve, asnjë nuk ka përfunduar me fatalitet.

Policia e Kosovës vazhdimisht është duke patrolluar për të parandaluar aksidentet e mundshme në komunikacion, andaj me qëllim të kësaj, PK-ja gjatë 24 orëshit të fundit ka shqiptuar 2.199 tiketa trafiku për kundërvajtje.

Ky numër i dënimeve, është numër rekord, krahasuar me ato të ditëve të kaluara.