Policia e Kosovës kërkon ndihmën e qytetarëve për arrestimin e Dukagjin Nikollajt

Sigurimi Internacional

Ofertë speciale

Policia e Kosovës ka kërkuar ndihmën e qytetarëve për arrestimin e të dyshuarit Dukagjin Nikollaj, i dyshuar për përleshjen e armatosur në Bon Vivant.

Një njoftimin për media thuhet se Policia e Kosovës, mbështetur në urdhëresën e nxjerrë nga Prokuroria Themelore – Departamenti për Krime të Rënda, paraqet fotografinë e të dyshuarit të shpallur në kërkim, i dyshuar për implikim në “Vrasje e rëndë në tentativë”, “shkaktim i rrezikut të përgjithshëm”, “përdorim i armës apo mjetit të rrezikshëm” dhe “mbajtje në pronësi kontroll ose posedim të pa autorizuar të armëve”.

“Me qëllim të zbatimit efikas të procedurës, kërkojmë nga publiku i gjerë kontributin qytetar që me  informacionet e tyre të ndihmojnë lokalizimin e  vendndodhjes së të dyshuarve të shpallur në kërkim.

Ne vlerësojmë lartë bashkëpunimin me komunitetin për një shoqëri pa krim, andaj presim që informacionet tuaja t’i kontribuojnë arrestimit sa më të shpejtë të tyre”, thuhet në njoftim.