Për 24 orë në Kosovë u regjistruan 51 aksidente trafiku, 18 përfunduan me persona të lënduar

Mosrespektimi i rregullave në komunikacion, mospërshtatja e shpejtësisë me kushtet e rrugës në shumicën e rasteve përfundon me aksident, ku përveç dëmëve materiale shkaktohen edhe lëndime në njerëz.

Edhe gjatë ditës së enjte është regjistruar numër i madh i aksidenteve të trafikut, raporton SuharekaOnline.

Në bazë të statistikave të policisë për 24 orët e fundit figuron se të enjte janë regjistruar gjithsej 51 aksidente trafiku.

Poashtu, policia bën të ditur se 18 aksidente kanë përfunduar me persona të lënduar ndërsa, 33 të tjera vetëm me dëme materiale.

Gjatë ditës së enjte policia poashtu, ka shqiptuar edhe 1.581 tiketa trafiku për të gjithë drejtuesit e automjeteve që nuk i kanë respektuar rregullat e trafikut.