Për 24 orë 47 aksidente në Kosovë, policia gjobit mbi 1,900 shoferë

Policia e Kosovës ka bërë të ditur se 17 nga aksidentet ishin me persona të lënduar, kurse në 30 aksidentet tjera raportohet vetëm për dëme materiale.

Gjithashtu polica gjatë ditës së djeshme ka shqiptuar edhe 1 mijë e 913 tiketa trafiku për shoferët që nuk kanë respektuar rregullat e komunikacionit.

Përveç aksidenteve dhe tiketave të shqiptuara, policia në 24-orët e fundit ka arrestuar edhe 24 persona, 12 prej tyre janë dërguar në mbajtje, ndërsa dy të tjerë në vuajtje të dënimit.