Lëndohet një person duke punuar në Lubizhdë, dërgohet në spitalin e Prizrenit

Rastet kur punëtorët në Kosovë lëndohen në vendet e tyre të punës janë të shpeshta.

Një rast i tillë ka ndodhur të martën në fshatin Lubizhdë të Prizrenit, shkruan SuharekaOnline.

Policia ka bërë të ditur se dje rreth orës 09:30 një person deri sa ka qenë duke punuar ka pësuar lëndime të rënda trupore.

Si pasojë e lëndimeve viktima ka pranuar ndihmë mjekësore në spitalin e Prizrenit.

Policia e Kosovës njofton se rasti është në procedurë hetimore.