Kanosi një person dhe gjuajti me armë, arrestohet i dyshuari në Prizren

Një person në Prizren është arrestuar pasi që dyshohet se kanosi një person tjetër.

Të mërkurën e 26 korrikut rreth orës 17:25, Policia e Kosovës në Prizren ka arrestuar një person të dyshuar për kanosje, raporton SuharekaOnline.

Sipas raportit të policisë bëhet e ditur se një i dyshuar pasi që ka kanosur viktimën, ka shtënë me armë zjarri.

Në vendin e ngjarjes nga policia është gjetur dhe konfiskuar një gëzhojë dhe pistoleta me tetë fishekë.

Për rastin në fjalë është njoftuar edhe prokurori i shtetit, ku me vendim të tij i dyshuari është dërguar në mbajtje.