Policia e Kosovës në Prizren ka njoftuar se gjatë ditës së mërkurë është arrestuar një person i dyshuar.

Policia e Prizrenit ka njoftuar se pas një pune hetimore është identifikuar dhe arrestuar një i dyshuar pasi që përmes rrjeteve sociale i ka dërguar mesazhe me përmbajtje erotike viktimës së mitur, raporton SuharekaOnline.

Poashtu është bërë e ditur se rasti kur i dyshuari i kishte dërguar mesazhe erotike vajzës së mitur kishte qenë në periudhën shkurt-mars të vitit 2023.

Ndër tjerash në raportin e policisë thuhet se i dyshuari në dëshminë e tij ka pranuar se i ka dërguar mesazhe erotike viktimës.

Me vendim të prokurorit i dyshuari është dërguar në mbajtje.