Fshati Peqan mbi 8-të orë pa rrymë

Sigurimi Internacional

Ofertë speciale

Fshati Peqan që nga ora 15:00 ka mbetur pa furnizim me energji elektrike. Kanë kaluar më shumë se 8-të orë që i tërë fshati është në terr total.

Në anën tjetër nga ana e KEDS-it është konfirmuar që ekipet ende nuk kanë arritur të gjejnë vendin e prishjes dhe se po të njëjtit gjenden në teren për të gjetur dhe sanuar dëmin.

“Ekipet e KEDS janë duke punuar në daljen 10kV Peqani që është në prishje nga ora 15:00. Ekipet kanë angazhuar edhe makinën matëse për të gjetur vendin e prishjes. Kërkojmë mirëkuptim nga konsumatorët si dhe falenderojmë ekipet që në këto orë të vona janë duke vazhduar punën në mënyrë që të kthejnë furnizmin sa më parë” thuhet në përgjigjen e KEDS-it.

Situata të tilla na kanë përcjellur gjatë dy muajve të fundit duke u përballur deri në 11 orë pa energji elektrike.