Enver Shabani: Suhareka me plan operativ për hapjen e rrugëve, ky është numri kujdestar në rast nevoje!

I kontaktuar në orët e mbrëmjes nga SuharekaOnline Drejtori i Shërbimeve Publike, z.Enver Shabani ka njoftuar se të gjitha rrugët në tërë territorin e Komunës së Suharekës janë të kalueshme dhe se vazhdimisht është duke u punuar në mirëqenien e qytetarëve.

Z.Shabani njoftoi se në mbrëmje është mbajtur një takim me Kryetarin e Komunës së Suharekës, Z. Bali Muharremaj dhe Zëvendësministrin e Ministrisë së Infrastrukturës, z.Idriz Selimaj.

Sipas drejtorit është kërkuar ndihmë edhe nga Ministria për kripë, gjithashtu në këtë takim është kërkuar nga kompania Famis që 2 kamionë të jenë kujdestarë që gjatë natës të bëjnë intervenime në të gjithë territorin e Suharekës.

Për të gjithë ata që ju duhet ndihmë gjatë qarkullimit ose kanë probleme Z.Enver Shabani tha se si numër kujdestar mund të përdoret numri 112.