Dhuna në familje është njëri nga fenomenet më shqetësuese për shoqërinë dhe njëra ndër sfidat më të mëdha për institucionet e vendit.

Ky fenomen çdo ditë e më shumë po rritet, një gjë e tillë po bëhet e ditur nga Policia e Kosovës.

Gjatë ditës së premte Policia e Kosovës në Prizren ka arrestuar një person të dyshuar për dhunë në familje, raporton SuharekaOnline.

Sipas raportit të policisë bëhet e ditur se i dyshuari e kishte sulmuar fizikisht një familjare, të cilës poashtu i ka shkaktuar lëndime trupore.

Policia e Kosovës në Prizren ka bërë të ditur se viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje.

“Prizren  23.03.2023 – 22:00. Është arrestuar i dyshuari mashkull kosovar pasi ka shkaktuar dhunë fizike ndaj viktimës mashkull kosovar. Viktima ka pranuar tretman mjekësor pasi kishte lëndime të lehta trupore. Me vendim të prokurorit i dyshuari është dërguar në mbajtje.” thuhet në raportin e policisë.