Rastet e dhunës në familje janë rastet të cilat çdo ditë raportohen në Policinë e Kosovës, e për fat jo të mirë dita e ditës vetëm se po rriten, ky fenomen sa është shqetësues njëkohësisht është edhe sfidë për institucionet e shtetit.

Dhuna në familje nga raportet e përditshme të policisë në shumicën e rasteve shkaktohet nga mosmarrëveshjet ndërmjetë familjarëve, e ku kryesisht femrat janë viktima

Dy raste të dhunës në familje janë raportuar dje në Stacionin Policor në Prizren, raporton SuharekaOnline.

Sipas raportit të Policisë thuhet se një femër të enjten rreth orës 19:45 ka raportuar se pas një mosmarrveshje, i dyshuari e ka sulmuar viktimën.

Në lidhje me këtë rast është konsultuar prokurori i shtetit i cili ka rekomanduar që pas intervistimit palët të lirohen dhe rasti të procedohet në procedurë të rregullt.  

Ndërsa, rasti tjetër është raportuar në ora 23:30 nga një grua e cila kishte denoncuar burrin e saj në polici për dhunë ndaj saj.

Policia e Kosovës në Prizren njofton se viktimës i është ofruar trtman mjekësor, ndërsa me vendim të shtetit i dyshuari është dërguar në mbajtje.