Brenda 48 ore në Policinë e Prizrenit regjistrohen 34 aksidente, shqiptohen 628 tiketa trafiku

New Born Master

Kualifikohu për KODIN 95 në Maribor-Slloveni për kategorinë C, CE, D!

Policia e Kosovës në Prizren në kuadër të menaxhimit dhe kontrollit të trafikut rrugor ka shtuar dinamikën e veprimeve dhe ndërmarrjen e masave me qëllim të përmirësimit të sigurisë rrugore dhe uljes së numrit të aksidenteve në trafikun rrugor.

Policia e Kosovës në Prizren ka njoftuar se gjatë 48 orëve të fundit ka shqiptuar 628 gjoba për kundërvajtje të ndryshme në trafik, raporton SuharekaOnline.

Poashtu bëhet e ditur se janë regjistruar 27 aksidente trafiku me dëme materiale dhe 7 të tjera me persona të lënduar.

Njoftimi i plotë i policisë:

Siguria në trafikun rrugor

Prizren, 09 gusht 2023

Drejtoria rajonale e Policisë Prizren bazuar në detyrat dhe autorizimet e saj ligjore në kuadër të menaxhimit dhe kontrollin e trafikut rrugor ka shtuar dinamikën e veprimeve dhe ndërmarrjen e masave me qëllim të përmirësimit të sigurisë rrugore dhe uljes së numrit të aksidenteve në trafikun rrugor.
Në kuadër të kësaj Drejtoria rajonale e Policisë Prizren në vazhdën e implementimit të planeve operative ,,Siguria në trafikun rrugor” dhe ,,Sezoni veror 2023’’gjatë dyzet e tetë (48) orëve të fundit ka shqiptuar gjashtëqind e njëzet e tetë (628) gjoba për kundërvajtje të ndryshme në trafik, të cilët me veprimet e tyre kanë rënë ndesh me ligjin për rregullat në trafikun rrugor, ka hetuar njëzet e shtatë (27) aksidente të trafikut me dëme materiale dhe shtatë (7) aksidente me lëndime trupore.

Drejtoria rajonale e Policisë Prizren apelon tek të gjithë pjesëmarrësit në trafik që të kenë kujdes të shtuar, të respektojnë ligjin për rregullat në trafikun rrugor pasi që siguria në trafik është përgjegjësi e jona kolektive.

Duke iu përmbajtur rregullave dhe duke u sjellur me kujdes ndaj njëri tjetrit në trafik mundë të ndikojmë në zvogëlimin e numrit të aksidenteve dhe pasojave të tyre.

Për të gjithë ata pjesëmarrës në trafik të cilët bëjnë shkelje të ligjeve dhe rregullave të trafikut, do të ndërmerren masa ndëshkuese sipas ligjeve në fuqi.