117 aksidente në 24 orët e fundit në Kosovë, një me fatalitet në Studençan të Suharekës

13.08.2022

Në 24 orët e fundit në Kosovë kanë ndodhur 117 aksidente trafiku, fatkeqësisht një aksident ka përfunduar me fatalitet. Aksidenti me fatalitet ndodhi gjatë mbrëmjes së djeshme në fshatin Studençan të Suharekës, ku një 23-vjeçar, E.M, derisa ishte duke drejtuar automjetin nga pakujdesia ka shkaktuar vetaksident trafiku, ku si pasojë vozitësi ka humbur jetën. Me […]

117 aksidente në 24 orët e fundit në Kosovë, një me fatalitet në Studençan të Suharekës Foto: Ilustrim

Në 24 orët e fundit në Kosovë kanë ndodhur 117 aksidente trafiku, fatkeqësisht një aksident ka përfunduar me fatalitet.

Aksidenti me fatalitet ndodhi gjatë mbrëmjes së djeshme në fshatin Studençan të Suharekës, ku një 23-vjeçar, E.M, derisa ishte duke drejtuar automjetin nga pakujdesia ka shkaktuar vetaksident trafiku, ku si pasojë vozitësi ka humbur jetën.

Me vendim të prokurorit trupi i pa jetë i vozitësi është dërguar në IML për obduksion.

Rastin për SuharekaOnline e ka konfirmuar edhe komandanti i stacionit policor në Suharekë, kapiten Afrim Sylaj.

“Rreth orës 19:40 në fshatin Studeçan të Suharekës ka ndodhur një vetaksident. Së pari i lënduari është dërguar në Emergjencën e Spitalit Rajonal të Prizrenit, më pas po bëhej gati që të transferohej në QKUK, por ka ndërruar jetë para se të nisej për atje. Sipas informacioneve, viti i lindjes së viktimës është 1999”, u shpreh ai.

Ndërkaq, në raportin 24 orësh të PK-së bëhet e ditur se 38 aksidente të tjera ishin me persona të lënduar dhe 78 të tjerë raportohet vetëm për dëme materiale.

Në statistikat e përgjithshme të publikuar nga Policia e Kosovës bëhet e ditur se janë shqiptuar edhe 1 mijë e 986 tiketa trafiku, për shoferët të cilët nuk kanë respektuar rregullat e komunikacionit.

Përveç aksidenteve dhe tiketave të shqiptuara, policia gjatë ditës së djeshme ka arrestuar edhe 17 persona, ku 10 prej tyre janë dërguar në mbajtje dhe dy të tjerë në vuajtje të dënimit.