107 aksidente dhe mbi 1 mijë e 800 tiketa trafiku për 24 orë

Sigurimi Internacional

Ofertë speciale

Mosrespektimi i rregullave në trafik, shpejtësia e madhe, kushtet jo të mira të rrugës, përdorimi i telefonit mobil gjatë ngasjës janë disa nga faktorët nga të cilët shkaktohen aksidentet në trafik.

Edhe gjatë ditës së premte është regjistruar numër i madh i aksidenteve në trafik, raporton SuharekaOnline.

Sipas raportit të policisë bëhet e ditur se në 24 orëshin e fundit janë regjistruar 107 aksidente trafiku, prej të cilave 32 kanë përfunduar me persona të lënduar, ndërsa 75 të tjera me dëme materiale.

Gjatë ditës së premte asnjë aksident trafiku nuk ka përfunduar me fatalitet.

Poashtu, gjatë ditës së premte Policia e Kosovës ka shqiptuar edhe 1.889 tiketa trafiku për kundërvajtje.