Zyrtarja policore në Ferizaj gjen 100 euro dhe ia kthen pronarit

Sipas njoftimit të policisë, pas verifikimeve të nevojshme, paratë iu dorëzuan pronarit të ligjshëm, P.R., i cili më herët kishte raportuar humbjen e tyre në polici.

“Drejtoria Rajonale e Policisë në Ferizaj shpreh mirënjohje për veprimin e zyrtares policore, duke e vlerësuar atë si një akt human dhe shembullor, që pasqyron standarde të larta të integritetit dhe përgjegjësisë qytetare”, thuhet në njoftim.

Ky veprim i zyrtarit policor tregon përkushtimin e Policisë së Kosovës jo vetëm ndaj zbatimit të ligjit, por edhe ndaj ndihmës dhe shërbimit ndaj qytetarëve.