Zyba: Mos të rritet buxheti për mbrojtjen e të akuzuarëve, mjetet të shkojnë në trajtimin e veteranëve
Deputeti i Lëvizjes Vetëvendosje nga Komuna e Suharekës, Salih Zyba, ka kundërshtuar kërkesën e deputetit Gazmend Abrashi që buxheti për mbrojtjen e të akuzuarëve të UÇK-së të rritet nga 5.5 milion euro në 20 milion. Zyba ka shtuar se këto mjete duhet të shkojnë për trajtimin e veteranëve të plagosur në luftë dhe mirëqenien e […]
Deputeti i Lëvizjes Vetëvendosje nga Komuna e Suharekës, Salih Zyba, ka kundërshtuar kërkesën e deputetit Gazmend Abrashi që buxheti për mbrojtjen e të akuzuarëve të UÇK-së të rritet nga 5.5 milion euro në 20 milion.
Zyba ka shtuar se këto mjete duhet të shkojnë për trajtimin e veteranëve të plagosur në luftë dhe mirëqenien e familjeve të tyre.
“A është e sinqertë kërkesa e deputetit Gazmend Abrashi ku në rishikim të buxhetit propozon që nga 5.5 milion € të ndarë të rritet në 20 milion € për mbrojtjen e të akuzuarve të UÇK-së nga Gjykata Speciale.
E duke qenë kështu, konsideroj që këto mjete duhet të shkojnë për trajtimin e veteranëve të plagosur në luftë dhe mirëqenien e familjeve të tyre.
Duhet të investohet në veri të vendit për t’i kthyer të zhvedosurit që luftuan për çlirim, e sot kanë kërkesën e vetme për bashkim.
Ndërsa ata që e krijuan këtë Gjykatë duke qenë në pushtet për të vjedhur milionat, le ti bashkojnë milionat e vjedhur nëse dyshojnë që dënohen, e jo buxhetin e shtetit e qytetarëve ashtu të varfër” ka shkruar Zyba.