Zemaj për tarifën rreth 5 eurove për automjetet: Marre, turp

Zemaj për tarifën rreth 5 eurove për automjetet: Marre, turp
Fjolla Hoxha

15.07.2021 / Lajme

Deputeti i LDK-së, Armend Zemaj e ka vlerësuar si të padrejtë vendimin e Qeverisë për taksën 4.90 euro për automjetet në Kosovë.

Zemaj përmes një postimi në Facebook ka shkruar se ky vendim jo vetëm që është i padrejtë, por edhe hipokrizi.

“T’i kërkosh Shqipërisë (me të drejtë) që të heq pagesën për “Rrugën e Kombit”, e ta vendosësh tarifën prej 5 euro për një stiker, është jo vetëm padrejtësi, por edhe hipokrizi. Definitivisht, i padrejti i drejt nuk mund të bëhet.

Në emër të “luftës kundër varfërisë” të varfëron, në emër të “uljes së papunësisë” e rritë papunësinë, në emër të “luftës kundër hajnisë”, të vjedh. Marre, turp!”, ka shkruar Zemaj.

Lidhur me këtë vendim kanë reaguar edhe shumë deputetë të tjerë, në mesin e tyre edhe lideri i AAK-së, Ramush Haradinaj, i cili u ka bërë thirrje qytetarëve që të protestojnë për të drejtat e tyre. 

Nga data 1 shtator, kompania “Auto Control Kosova”, do të inkasojë nga 4.90 euro, për secilin automjet për t’i vënë asaj tiketën ngjitëse, e cila konfirmon se mjetit motorik i është kryer kontrolli teknik.

Test antigjen për COVID-19 vetëm 15€, rezultati brenda 30 minutave

Në Laboratorin “RIOLAB” kryhet testi i shpejtë i antigjenit për COVID-19. Testi i antigjenit përdoret në diagnozën e infeksionit COVID-19....

Lexo më shumë

Të fundit