Aleksandar Vuçiq, Presidenti i shtetit Serb, po ashtu edhe lideri i i Partisë Progresive Serbe (SNS), tha se “ne serbët jemi të kënaqur vetëm nëse marrim maksimumin, po ashtu edhe sa i përket çështjes së Kosovës, kjo nuk do të jetë e mundur, kushdo që të jetë në pushtet”.

Presidenti Serb tha se “Sot, nëse pyes anëtarët dhe funksionarët tuaj, se cila është zgjidhja, cili është kompromisi me të cilin do të ishin të kënaqur, nga asnjëri prej tyre nuk do të marr përgjigje. Ne serbët jemi të kënaqur vetëm nëse marrim maksimumin”, tha Vuçiq, duke folur në Kongresin  10-të të Partisë Socialiste (SPS), të Ivica Daçiqit, raporton Telegrafi.

Vuçiqi tha se i është mirënjoës SPS për punën e përbashkët me SNS që pozicioni i Serbisë të jetë pak më i fortë, që të kemi mundësi të luftojmë për të fituar më shumë për popullin serb në Kosovë, ndërsa Vuçiq bëri të ditur se kur Ivica Daçiq filloi bisedimet me shqiptarët, nuk kemi pasur asgjë.

Aleksandar Vuçiq tha: “Lërini tregimet e shumë prej tuajve dhe tanëve se gjithçka ishte e jona. Asgjë nuk ishte e jona. Ata kanë vënë kufirin midis Serbisë qendrore dhe Kosovës në Jarinje dhe Bërnjak. Të gjitha ua dhanë  atyre. Ua dhanë verdiktin e Gjykatës Ndërkombëtare të Drejtësisë të vitit 2010 se shpallja e pavarësisë [Kosovës] nuk ishte akt ilegal. Ky është turpi më i madh që ia kemi bërë vetës. Dhe sot është e vetmja gjë që për të cilën ekspertët tanë po përpiqen të bëjnë diçka dhe nuk mund ta mbrojmë atë”.

Po ashtu, Vuçiq tha se ne mund të falenderojmë disa tipa të papërgjegjshëm në politikë.

Aleksandar Vuçiq nuk është ndalur duke folur keq për Ivica Daçiq, Vuçiq së fundi tha se “Pyesni Daçiqin çfarë i thanë derisa ata ishin në koalicion – ‘e falënderojmë Zotin që e hoqëm qafe këtë’. Për asgjë nuk kanë menduar, kurse tani janë në gjendje të na predikojnë. Ndërsa tani situata është shumë më e vështirë. Ne, megjithatë, ne nuk kemi asnjë problem për të kryer punë të rënda”.