Votohet projektligji për mësimdhënësit e viteve të 90-ta

Projektligjin për statusin e punëtorëve të arsimit shqip të Kosovës të viteve të 90-ta është votuar nga Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi.

Ismail Kurteshi kryetari i këtij komisioni shprehi se kostoja për këtë projektligj është i përballueshëm për buxhetin.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Kurteshi tha se “Ne e kemi marr propozimin tuaj pa ndonjë shpjegim dhe natarët e komisionit kanë dashtë me dëgjuar se cila është arsyeja pse është ndryshim në nenin 7 nga Pensioni bazë në pensioni që e realizon. Unë mendoj që kosto e këtij ligji do të jetë e përballueshme për buxhetin e Kosovës”.

Kurse Mevlude Shala nga Ministria e Financave shprehi se ndryshimi i fjalës pensioni bazë dhe pensioni që e realizon është bërë për shkak që të mos përzihen.

Po, ashtu Mevlude Shala tha se: “Pensionale kem pensione të ndryshme, pensioni baze është pensioni i moshës, ne kemi menduar me heqë pensioni bazë dhe me lëne pension qe realizon dhe kemi mëndu qe po bëhet padrejtësi. Nuk ka ndonjë vërejtje tjetër mirëpo meqenëse ka shumë skema pensionale dhe për mos me dashtë me u përzier”.

Kurse Teuta Haxhiu deputetja e AAK-së është shprehur skeptike rreth këtij ndryshimi, ajo tha “Ne nuk po flasim për pensionin e moshës por për mësimdhënësit. Ne jemi marr vesh si komision qe pavarësisht pensionit qe e kanë ata marrin edhe shtesë. Nëse Ministria e Punës dhe Mirëqenies e rregullon, që do ta marrin pensionin bazë dhe atë shtesë. Nëse prekim këtu ndonjë gjë dyshoj që ata e marrin shtesën”

Anëtari i komisionit nga PSD, Driton Çaushi tha se komuniteti rom, ashkali dhe egjiptian, kanë kërkuar mjete për qendrat e mësimit.

Me 6 vota për dhe 2 abstenime Ligji në fjale ka kaluar dhe tashmë pritet të shkojë në Kryesi të Kuvendit të Kosovës.

Ndërsa, takimi i paraparë me anëtarët e këshillit të cilësisë nuk do të mbahet për shkak të një takimi që kanë pasur.

Fabrika e Mobileve "TE NASERI"

Mobilo shtëpinë sot dhe paguaj me këste deri në 12 MUAJ.