Lajme

Vetëvendosje: Çka duhet të bëjmë tjetër? Propozo, refuzim, propozo, refuzim

Isa Mustafa dhe Albin Kurti

Bisedimet mes Lëvizjes Vetëvendosje (LVV) dhe Lidhjes Demokratike të Kosovës (LDK) kishin rifilluar javën e kaluar, por nuk u arrit ndonjë marrëveshje për bashkëqeverisje.

Së fundmi Lëvizja Vetëvendosje (LVV) i ka bërë një ofertë LDK-së ku propozohet rritja e numrit të ministrive për 2, ku një do t’i shkonte LDK-së dhe një tjetër minoriteteve.

Por, një ofertë të tillë nënkryetari i LDK-së, Agim Veliu e ka konsideruar si jo-serioze dhe se VV po tenton ta nënshtrojë LDK-në.

Zëdhënësi i Lëvizjes Vetëvendosje, Arlind Manxhuka në një postim në Facebook është shprehur i habitur nga qëndrimet e Lidhjes Demokratike të Kosovës.

Manxhuka nëpërmjet një postimi në Facebook ka pyetur se çfarë duhet të bëjë më tepër Lëvizja Vetëvendosje.

“Çka duhet tjetër me bë Lëvizja? Propozo, refuzim, propozo refuzim.”, ka shkruar ai.