Vetëm gjatë gjashtëmujorit të parë, 70% e rasteve kur kanë vdekur punëtorët janë nga sektori i ndërtimtarisë

New Born Agency

Fluturime direkte nga Ljublana në Prishtinë dhe anasjelltas!

Numri i madh i vdekjeve dhe lëndimeve në vendin e punës ka bërë që të shtohen thirrjet për sigurimin e punëtorëve e sidomos të atyre të sektorit të ndërtimtarisë.

Sipas statistikave të Sindikatës së Punëtorëve të Sektorit Privat, vetëm gjatë gjashtëmujorit të parë janë 15 raste të vdekjeve në vendet e tyre të punës, ku rreth 70% e këtyre punëtorëve kanë vdekur në ndërtimtari.

Një thirrje të tillë për sigurimin e punëtoreve në ndërtimtari e ka bërë edhe drejtori i Byrosë Kosovare të Sigurimeve (BKS), Sami Mazreku, i cili tha se pavarësisht që Ligji për sigurim shëndetësor publik në vende ende është i pa zbatueshëm, ai mund të bëhet nga kompanitë në mënyrë vullnetare shumë lehtë.

Sipas tij, BKS-ja ka kërkuar nga kryetarët e komunave që në momentin që kompanitë e ndërtimit ta marrin licencën, të bëhet obligative me ligj që të jetë edhe sigurimi i punëtorëve, raporton EO.

“Ligji për sigurimin shëndetësor publik ende është i pa zbatueshëm, mirëpo kjo nuk do të thotë që nuk ka mundësi që dikush me u siguruar në mënyrë vullnetare. Janë 10-të kompani të sigurimeve tashmë që kanë licencë në Bankën Qendrore, këto kompani ofrojnë të gjitha produktet. Ajo çka kemi bërë ne vitin e kaluar edhe këtë vit përmes shkresave edhe lobimeve, publikimeve edhe takimeve që i kemi pasur me kryetarët e komunave kemi kërkuar që kompanitë e ndërtimit gjatë marrjes së licencës në komunë ta shtojnë edhe një kërkesë shtesë ligjore që është edhe sigurim i punimeve, sigurimi i punëtorëve”, tha ai.