Vetëm 20 persona aplikuan për t’i legalizuar armët në Kosovë

05.01.2019 Lajme

Para 2 javësh që ka filluar fushata për legalizim të armëve të vogla dhe të lehta, mbrenda këtij 2 javëshi u dorëzuan vetëm 20 armë për legalizim të armëve të tyre, Ministri i Punëve të Brendshme pas kësaj statistike tha se deri më tani kjo fushatë nuk e ka pasur efektin e duhur.

Siç e dimë hiq më larg se para 2 jave filloi fushata 6 mujore për legalizim të armëve të vogla dhe të lehta, të cilat i posedojnë pa leje qytetarët e Kosovës, Ministria e Punëve të Brendshme e ka marrur këtë iniciativ, por qytetarëve të Kosovës nuk u intereson kjo fushatë për legalizim të armëve, deri më tani janë dorëzuar vetëm 20 armë për legalizimin e tyre.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Sipas zyrtarëve të kësaj ministrie, fushata në ditët e ardhshme do të intensifikohet, në mënyrë që qytetarët të kenë më të qartë procesin e legalizimit. Arsye tjetër e interesimit të vogël të qytetarëve për të legalizuar armët, po konsiderohet të jetë edhe çmimi për legalizim.

Ministri, Ekrem Mustafa e dha vendimin e këtij dikasteri gjatë kësaj periudhe është pezulluar zbatimi i nenit 374, të Kodit Penal, i cili, në paragrafin një, parasheh gjobë deri në 7 mijë e 500 euro ose dënim me burg deri në pesë vjet për armëmbajtje pa leje. Aty parashihet edhe dënim 2 deri në 10 vjet burg, për posedim ilegal të katër ose më shumë armëve ose më shumë se 400 fishekëve.

Sipas të dhënave të kësaj ministrie, numri i armëve ilegale në posedim të qytetarëve llogaritet të jetë rreth 260 mijë sosh. Me këtë fushatë, sipas udhëheqësit të Divizionit për Armë, Municion dhe Eksploziv në Ministrinë e Punëve të Brendshme, Destan Mustafa, synohet vetëdijesimi i qytetarëve për rëndësinë e legalizimit të armës, kontrolli dhe rritja e sigurisë.

Destan Mustafa, shefi i divizionit për armë dhe municion në MPB ka thënë se në momentin që bëhet kërkesa për legalizim, duhet të tregohet edhe arsyeja e armëmbajtjes. Ai shtoi se janë të ndara kategoritë të cilat kanë mundësi të legalizohen.

“Ne besojmë shumë që secila armë që është e regjistruar do të trajtohet më me seriozitet nga qytetarët dhe normalisht ne do të kemi kontrollin mbi to, sepse do të bëhet balistika e tyre, do të merren shenjat, do të shenjëzohet dhe sigurisht kështu paraqet më shumë siguri,” thotë Mustafa.