Çlirim Gashi
16.06.2019, 22:43

Vdekjet e dyshimta të pacientëve në QKUK, Prokuroria po heton nëntë raste

Prokuroria pritet të nisë hetime lidhur me vdekjen e disa pacientëve që dyshohet se kishin ndodhur gjatë vitit të kaluar, në dy klinikat e QKUK-së, Kardiologjisë Invazive dhe Kardiokirurgjisë.

Vetëm disa muaj pas raportiemve lidhur me dyshimet për rritjen e numrit të pacientëve të vdekur pas ndarjes së njësisë së Kardiologjisë Invazive nga Klinika e Kardiologjisë, Oda e Mjekëve të Kosovës ka vendosur që disa prej këtyre rasteve t’i dërgojë për hetim në Prokurori, raporton KTV.

Me dyshimet se kishte pasur trajtim të pandërgjegjshëm mjekësor e neglizhencë gjatë trajtimit, Prokurorisë i janë dorëzuar 9 dosje të pacientëve.

Pleurat Sejdiu thotë se prokurori i Odës së Mjekëve, fillimisht e pati të vështirë t’i hetojë këto lëndë, për shkak se as jashtë Kosovës nuk arriti të gjente ekspertë të cilët do të kryenin ekspertizën e këtyre rasteve.

LEXO PO ASHTU:  Dorëzohet peticioni me mbi 10 mijë nënshkrime për heqjen e homologimit

Derisa dy klinikat, ajo e Kardiologjisë dhe Kardiokirurgjisë, kishin hezituar të ofronin dokumente dhe të dhëna për këto dosje.

Potenciali dhe kushtet që ofrojnë bizneset e Suharekës

Produktet gjithmonë janë prodhuar me një pasion të madh për luksin dhe rehatinë si dhe në përshtatje me prirjet më të fundit të dizajnit.

Pas kërkesës për sqarime nga QKUK-ja për këto dosje, përgjigjja e vetme ishte se ky institucion ka bashkëpunim të mirë me Odën e Mjekëve dhe përgjigjet në çdo kërkesë që ka kjo ajo.

“QKUK-ja ka bashkëpunim të mirë me Odën e Mjekëve dhe përgjigjet në çdo kërkesë që ka Oda e Mjekëve”, thuhet në përgjigjen nga Qendra Klinike Universitare e Kosovës.

Në mars të këtij viti ishte raportuar se si disa kardiologë të QKUK-së kishin alarmuar lidhur me rritjen e vdekjeve te pacientët, pas ndarjes së njësisë së Kardiologjisë Invazive nga Klinika e Kardiologjisë.

Derisa, SHSKUK-ja, përmes një konferencë për media, kishte mohuar të dhënat mbi vdekshmërinë e pacientëve në këto dy klinika.