Vazhdon edhe nesër greva e shërbyesve civilë

Grevat e shumta janë duke e rrezikuar pozitën e kryeministrit të Kosovës, Ramush Haradinaj, si mësimdhënësit, kirurgët, ortopedët dhe së fundmi edhe shërbyesit civil ku sot kanë zhvilluar grevë një orëshe, ndërsa edhe nesër përsëri do të vazhdojë greva e shërbyesve civilë, ku do të zhvillohet nga ora 10:00 deri në ora 11:00.

Greva e shërbyesve civilë e cila do të zhvillohet edhe nesër është bërë e ditur nga një komunikate për media, nga vetë Shërbyesit Civil, arsyeja e grevës është që të bëhet një zgjidhje për çështjen e pagave për shërbyesit civil, kjo kërkesë është në kuadër të Projektligjit për paga.

Në komunikatën për media nga shërbyesit civilë thuhet se: “Këshilli grevist dhe udhëheqja e dy kryesive, të angazhohen që me zyrtarët qeveritarë t’i vazhdojnë përpjekjet për gjetjen e një zgjidhje të pranueshme për shërbyesit civil, e cila do të jetë e barasvlefshme me sektorët e tjerë dhe të sigurojnë një dëshmi mbi marrëveshjen e arritur”.